Van vri-jdag 9 tot en met dinsdag 13 fibrewari wödt ’s-Heerenbarg weer umgedeup tot Waskuupstad, waorbi-j Prins Arien I en Jeugprins Pieter I de scepter magge zwaaie eûver 't carnavalsmekka van 't Ooste. Onder 't motto ‘Daor doe-j ’t veur’ regere ze 5 dage lang eûver Waskuupstad. Ni-j dit jaor met 't ’s-Heerenbargse carnaval zun de Waskuuptempel, de Flugeltuyn (op 't Stadsplein en de Bleik) en ’t Sjoenkeltentje (bi-j de Dolle Graaf), waorbi-j 't aanbod van alle samewarkende horeca in ’s-Heerenbarg nog breder is dan met de veurgaonde edities. Veurdeel van carnaval in Waskuupstad is dat toegang gratis is. Zo kan iedereen carnaval viere, want 't fees is veur iedereen. 

Waskuuptempel, Flügeltuyn en ‘t Sjoenkeltentje
Wi-j beginne met de ni-je elemente met 't ’s-Heerenbargse carnaval want Stichting 'Groeten van de Feestcommissie' en carnavalsvereniging d’Olde Waskupen zun trots dat d'r dit jaor 'n aantal ni-je plaatse aan 't diverse pallet van horeca toegevoeg kan wodde. 't Centrum wödt 'n heus feesterrein met meer dan 11 feeslocaties! Naos 't fees in alle kroege en restaurants könne bezuukers now ook terech in de Waskuuptempel, de Flügeltuyn en ’t Sjoenkeltentje, waorbi-j toegang ook nog 's geheel gratis is.  Eûverdag zun alle lèèftiede welkom in alle feeslocaties. ’s Aoves geldt vanaf 20.00 uur 'n minimale lèèftied van 16 jaor. 

Daor könne carnavaliste geniete van 'n vol muzikaal programma met bands, dj's en (regionale) artieste zoas Wilbert Pigmans, Otto Wunderbar, de Nachtbrakers, de Sfeermakers, Basement, Achtung en nog vol meer. 't Stadsplein wödt umgedeup tot de Flugeltuyn waor met 'n Nathalsbar, Schirmbar en 'n eûverdek terras allerlei horeca te vinde is. ’t Sjoenkeltentje bevindt zich tigeneûver de Dolle Graaf en hier kan op 'n traditionele, maor toch verni-jende manier carnaval gevierd wodde. En op de Bleik zal 'n Waskuuptempel herrijze waor da-j alle carnavalsdage op en top carnaval könt viere. Daornaos bouwe de meeste bestaonde kroege hun zaak uut met barre aan straot, zodat 't fees op straot met de optochte gewoon deur kan gaon. 

Vri-jdag 9 fibrewari
't Fees begint natuurlijk op de vri-jdag. Dan gaon Prins Arien I en Jeugprins Pieter I met hun gevolg alle schole aan um zo same met alle jeugdige carnavaliste 't carnavalsfees in te lu-je. ’s-Aoves wödt um 19.30 uur 't monument onthult, is d'r vanaf 19.49 uur 'n echte Tienerparty in de Snor veur jeug vanaf basisschoolgroep 8 tot en met 15 jaor en oapent de Waskuuptempel (en 'n aantal andere horeca) ook al eur deure. Toegang hier is 16+ en helemaol gratis. 

Berghse Kei en Commandeurs 
De vri-jdagaovend is vanzelfsprèkend ook de aovend van de bizundere onderscheidinge. Nao 't onthulle van 't monument wodde de commandeurs in de Orde van d’Olde Waskupen benuump. Dit is 'n onderscheiding veur minse die zich bizunder ingezet hebbe veur 't carnaval in Waskuupstad. Daornaos ontvink de bedenker van 't carnavalsmotto van 2024, ‘Daor doe-j ’t veur’ 'n oorkonde en onderscheiding. 

Um 20.00 uur vindt de riseptie plaats in 't Hof van Hedel (Gertrudis), waorbi-j de hoogste onderscheiding van de carnavalsvereniging uutgereik wödt. Wie mag zich dit jaor krone tot ridder in de orde van de Berghse Kei? Deze bizundere onderscheiding geet naor 'n persoon, groep of instelling uut de regio den zich verdienstelijk het gemaakt op sociaal-cultureel of maatschappelijk gebied. 

Zaoterdag 10 fibrewari
De zaterdag begint veur de echte carnavaliste al vroeg met um 9.30 uur de Eucharistieviering in de St. Pancratiuskerk. De carnavalsmis wödt veurgegaon deur Pastoor Marc Oortman en begeleid deur de Eternal Singers en Awesome. Aansluutend volg de onthulling van 't Jeugmonument op 't Stadsplein en trappe Jeugprins Pieter I en zien gevolg 't carnaval af met 'n grote jeughappening bi-j Zalencentrum De Gracht. 

In Waskuupstad bars daornao 't straotecarnaval los. Straote wodde versiert en de prinse trekke langs alle buurte om de versiering te bekieke.
’s-Aoves zun alle feeslocaties in de stad geoapend en bars 't carnavalsfees helemaol los. 

Zondag 11 fibrewari 
Dit is misschien wel de mees bekende carnavalsdag in heel de regio, want vanaf 14.11 uur trik één grote bonte stoet deur de binnestad. De carnavalsoptoch mag weer rèkene op zo'n duuzend deelnemmers en geet onder begeleiding van de lu-jende kerkklokke van start vanaf de Slotlaan. Veur de volledige route klik hier. De bekendmaking van de prijze vindt plaats op 't bordes veur 't Raethuys (veurmalig stadhuus). De hele dag is d'r natuurlijk ook gewoon fees in alle feeslocaties in de binnestad.  

Maondag 12 fibrewari 
Traditioneel gezien begint carnavalsmaondag met 't frühshoppen in zale en kroege. Dit kan vanaf 9.11 uur ook in de Waskuuptempel onder de begeleidende klanke van Böhmisches Tiramisu. Daornao make alle carnavaliste zich op veur de tweede optoch in Waskuupstad. De stoet den in 't teke steet van de jeug. Jeugprins Pieter I aanschouwt deze optoch vanaf de prinsewage. Ook de kinderoptoch begint um 14.11 uur, maor het 'n ietskus andere route. Klik hier veur de volledige route. Daornao geet 't fees wiejer in alle kroege, cafés, tente en andere horeca. 

Dinsdag 13 fibrewari 
Alweer de letste dag, maor 'n ontzettend gezellige dag. Prins Arien I en Jeugprins Pieter I brenge um 10.00 uur eers 'n bezuuk aan 't verpleeghuis Gertrudis. Daornao make ze zich op veur 'n kroegentoch. Carnavaliste könne d'r veur kieze um de ‘Prestatietoch’ of de ‘Prestatietoch XS’ (veur de jeug) te lope vanaf 12.11 uur. Verzamele veur deze toch kan al 'n stuk eerder bi-j Cafetaria Litjes. Deze super-carnavaliste zun al vanaf 11.30 uur welkom waor de gratis stempelkaarte wodde uutgereik. Vanaf 12.11 uur is vervolges de echte start.
Um 12.41 uur is d'r opni-j 'n jeughappening bi-j De Gracht, waornao aansluutend um 14.30 uur de derde optoch van Waskuupstad begint, namelijk de Rommeloptoch. Blage, olders en andere carnavaliste make in deze letste minute van 't jeugcarnaval nog zo vol meugelijk lawaai met potte, panne, deksels en trommels. Daornao wödt deur Jeugprins Pieter I de pop in vik gestoake um zo 't jeugcarnaval af te sluute. De volwassene könne dan nog 'n paar uurkes deurgaon tot 00.00 uur, waornao 't d'r ook op zit veur Prins Arien I. Hij sluut um middernach met 't popverbrande 't carnaval van 2024 af.