Woensdagaovend 6 november vindt 't plaatsbesprèke veur de Pronkzitting en 't Prinsebal plaats in De Gracht. 't Plaatsbesprèke is veur de Pronkzitting maor ook veur ‘t Prinsebal verplich. Verzeker ow van 'n zitplek op vri-jdag en/of hangtaofel op zaoterdag.
🏠 De Gracht ‘s-Heerenbarg
🔴 Start uutgifte lotte 19.30 uur
⚪️ Start plaatsbesprèke 20.00 uur
🎫 Nem de toegangskaarte (of lejekaart) met!
Al maonde wödt d'r deur onze Technische Commissie hard gewark aan weer 'n schitterend decor.
Iedere dinsdagaovend (en nog wel 's 'n donderdagaovend) komme ze same in de Gerrit Heuvelinghal um de mouwe op te ströpe.
't Decor veur de prinspresentatie zöt d'r ook dit jaor weer geweldig uut.
Komp dat zien op de 𝗧𝗿𝗮𝗱𝗶𝘁𝗶𝗼𝗻𝗲𝗹𝗲 𝗣𝗿𝗼𝗻𝗸𝘇𝗶𝘁𝘁𝗶𝗻𝗴, 𝗝𝗲𝘂𝗴𝗽𝗿𝗼𝗻𝗸𝘇𝗶𝘁𝘁𝗶𝗻𝗴 en Prinseba𝗹!
Naogenoeg 60 jaar is Hans Stein al lid van C.V. d’ Olde Waskupen en veur dit heugelijke feit wier hij thuus bezoch deur enkele leje van 't bestuur. Hans, den binne de vereniging naogenoeg alle functies het vervuld (as dansmarietje was hij niet geschik) kreg uut hande van veurzitter Roel Diekman 'n glaze gegraveerde plaquette as blijk van erkenning en waardering veur zien 60 jaorig lidmaotschap.
Hans besef as gin ander wat de term “warkend lid” inhuldt en is daormet 'n groot veurbeeld veur vol minse binne de vereniging. Dat hij bezig is aan zien letste hoofstuk is bi-j vol minse bekend en wi-j zun d'rvan eûvertuug dat Hans 'n ni-je dimensie zal gève aan de term buutelandcommissie waor hij jaorelang veurzitter van is gewèès.
Op zaoterdagaovond 9 november viere wi-j 'n feestelijk Prinsebal in de sporthal van FeelFit Center in 's-Heerenbarg.
De ni-je hoogheid en gevolg is bekend, dus tied veur 'n groots fees met muziek en dans.
Wi-j hebbe 'n spectaculaire groep artieste um de eerste editie van 't Prinsebal onvergètelijk te make!
DJ Elmo en De Sfeermakers sluute de aovond af met 'n knallend optreje! DJ Elmo kenne wi-j natuurlijk van Pronkzitting XL en brink met 't Prinsebal zien beste nummers en feesknallers met. De Sfeermakers komme naor ’t Prinsebal! Opvalle, fees make en rond lalle, deze 2 ras vermakers hebbe 't allemaol. Eige nummers en hitjes van now vergezeld deur 'n lading toeters en belle. Ze ware d'r onder andere veur verantwoordelijk dat met 't carnaval 't dak van de Waskuuptempel d'raf ging. En now dus ook op onze compleet ni-je Prinsebal.
Daornaos hebbe wi-j nog tal van andere artieste die de bühne betreje.
Zörg da-j d'rbi-j bunt, want dit fees wil gi-j as carnavalis niet misse!
Koop ow toegangskaart à €10,- (of combikaart veur vri-jdag- en zaoterdagaovond à €15,-) bi-j Kachelhöltjes Partypret, Bakkeri-j Diekman of via onze online kaart verkoop. Veur meer informatie eûver 't Prinsebal, lèès hier meer.
Op donderdagmiddag 19 september zun de Ridders in de Orde van de Berghse Kei same gekomme veur hun jaorlijkse keidragersdag. De ridders ware dit jaor te gas bi-j de jongste keidrager, de Brandweerpost Bergh.
Met de rondgang op carnavalszaoterdag 10 januari het 't college van Old Prinsen met 'n meerderheid gestemp dat de Gruunestraot zich met carnaval 2024 de moois versierde straot van Waskuupstad moch nuume. Dit tot grote vreugde van de bewoners.