Zaoterdagmiddag 13.30 uur ginge de deure los van de spothal in ’s-Heerenbarg veur de jeug van d’Olde Waskupen. Met pronkzitting XS stonde d'r haos 100 blage op de bühne. Same zörgde zi-j d'r veur dat jeugprins Pieter I en zien gevolg, maor ook alle opa’s, oma’s, vaders, moeders, bruurkes, zuskes en andere belangstellende 'n geweldige middag veurgeschötteld krèggge. Onder de begeleiding van 't Hauszorkès wier 't 'n fantastische muzikale middag.

En wie Pronkzitting XS zeg, zei-jt natuurlijk ook meteen de dansgarde. Traditioneel trap 't Funckenmariechen de show af. Met 'n fraaie solo dans liet Lynn Engelen zien dat ze fantastisch kan danse. Bene in de luch, radslage, en dat met 'n uutholdingsvermoge waor menig aanwezige in de zaal jaloers op is. Daornao was 't de beurt aan de Mariabasisschool. Al jaore is deze school vertigewoordig op de bühne. Dit keer zonge 11 blage uut groep 5 eûver hun liefde veur carnaval en hoe zi-j ieder jaor fees viere in Waskuupstad.

De Feesmakers zun 3 jonge Waskupen die al jaore op de bühne staon met de jeugpronkzitting. Of 't now Snollebollekes is of 'n ander feesnummer, niks is ze te gek. Dat gecombineerd met 'n flinke dosis energie zörgde veur 'n mooi optreje van deze jonge gaste.

Dan de drie zangeresse van K3. Nee niet de Belgisch/Nederlandse wereldformatie, maor drie wereldmeide uut Waskuupstad, namelijk Lizzy Krijgsman, Liv Steinvoort en Mila Steinvoort. Same zonge ze 't nummer 10.000 luchballonne, waorbi-j de bühne helemaol gevuld wier met ballonne. 

Maor 'n pronkzitting is gin echte pronkzitting zonder de dansgarde. De jeugdansgarde brach nève 'n traditionele gardedans ook 'n fantastische vri-je dans. Totaal in 't thema China, waor zelfs wèèiers en drake aan te pas kwame. De moeilijkste spronge, til-elemente en stunts liete de meide moeiteloos zien.

De pöpkes. Of zeg maor gerös 'n heel mooi stelleke unicorns. Op hun hobbelpeerde hobbelde ze eûver de hele bühne heer. Ze brachte 'n muzikale kuur en spronge daorbi-j eûver allerlei hindernisse.

We hebbe 't al eûver de Mariabasisschool gehad, maor 'n andere school waor carnaval met de paplèpel ingegoate wödt is de Galamaschool. Met 'n eige bedachte teks op 't nummer ‘Shirt uit en Zwaaien’ ginge ze helemaal uut hun dak. Partypoppers, confetti, alle special effects kwamen d'r aan te pas. Met as climax van 't nummer? Alle 'shirts uit en zwaaien'.

Janewari en fibrewari zun niet alleen de maonde van 't mooiste fees ter wereld, carnaval. Maar ook de tied van skie-je. En bi-j skie-je heurt après-ski. DJ Waskuup Hansz (Maas Wevers) dreeide 'n aantal fantastische plate, waorbi-j echte Schneediva’s kwame danse. Ski’s, sneeuw. Alles was aanwezig veur 'n fantastisch fees.

Naos de jeugdansgarde het carnavalsvereniging d’Olde Waskupen ook nog de mini dansgarde, veur de wat kleinere danseresse. Ze brachte de zaal in andere Oosterse sfere. Waor de jeugdansgarde naor China afreisde ginge deze meide zwevend op 't vliegende tapijt deur de verhale van 1.001 nach.

Aansluutend kwame de Zuute Zönnekes op de bühne. Met 'n eige gemaakte teks op 'n mooi nummer zonge ze eûver 't feit dat ze gigantisch vol zin hebbe in carnaval. Daor danste ze zelfs bi-j.

Ook jeugprins Pieter I, adjudante Mikayla en Vigo en jeugdpresident Laut zonge natuurlijk eûver hun eige motto. Daor doe-j ’t veur! Op de melodie van ‘Hier mag alles’ van Marco Schuitmaker en Donnie zonge ze eûver 't kommende carnavalsjaor.

Veur 't programmapunt dat hiernao volgde wier alvas gewaarschuwd veur de eûverlas. Tot in de wijde umgèving ware de Superstars te heure. Met goeie harde muziek en dans liete ze Waskuupstad op hun grondveste schudde.

We zeije 't al. De Mariabasisschool, Galamaschool. Allemaol broeineste veur echte carnavaliste. En dat is OBS ’t Montferland natuurlijk ook. Zi-j krègge de hele spothal aan 't metdanse, want de leerlinge van deze school brachte 't nummer Oya lele. 

Jeugprins Pieter I het natuurlijk ook 'n fantastisch gevolg met narre, dansmarietjes, Raod van XI en 'n vaandeldrager. Zi-j zun bli-j dat 't weer carnaval is en brachte 't nummer met de toepasselijke titel ‘ ’t Is weer carnaval', waorbi-j spontaan de polonaise ingezet wier.

Pronkzitting XS is 'n mengelmoes van dans, muziek en acts. En dat is precies wat de groep Mengelmoes ook is. Twee echte feesbeeste die op de bühne meerdere bekende feeshits brachte. Deze viele fantastisch in de smaak bi-j 't publiek.

As letste programmapunt mochte de Troela’s de bühne  betreje. En 't was 't wachte weerd, want ze brachte 'n paar geweldige feesnummers, waorbi-j danseresse de bühne  betrade. Zi-j zörgde dat Pronkzitting XS met 'n klapper afgesloate wier.

Aan Pronkzitting XS warkte heel vol artieste met:
Deelnemmers: Lynn Engelen, Chemay Bouwman, Bente Lieven, Fleur Lieven, Roosje Bodde, Mans Gerritsen, Eron Karremans, Noa Jansen, Zara Bogaard, Suus Veereschild, Maureen Raben en Siem Erdhuizen, Dex Wieringa, Finn Vermaas, Lenn Wever, Lizzy Krijgsman, Liv Steinvoort, Mila Steinvoort, Samira te Winkel, Puk van Gessel, Merel Notten, Julia Warbroek, Sofia Nijland, Josephine Vink, Amanda Hellwich, Talisha Seegers, Made Krauts, Niene Bijenhof, Romee Vos, Philomene Schenning, Noalie Karremans, Chelsea van Heiningen, Floor van Kuppenveld, Saar Veereschild, Ahmed Alfreij, Nina Dziegielewska, Lexie Kijk in de Vegte, Danae Arts, Levi Japenga, Lise Schadron, Meis Visser, Rhea van den Bosch, Iza Wevers, Amber Linssen, Fien van Dulmen, Mackenzie Young, Robine Heuskes, Fleur van den Bosch, Zoey van den Berg, Floor Baakman, Nora Jansen, Maud Loskamp, Fleur Bijsterbosch, Sara Mijnen, Ivy Dekker, Suze Aaldering, Saar Visser en Ruby Reimer, Lynn Frerix, Senna Ficke, Saar Alofs, Jeugdprins Pieter 1 en zijn gevolg, Elvira Shahidi, Fien Mennings, Kaat Peters, Lynne ter Horst, Elise van den Bosch, Lise Loskamp, Noortje Messink, Sophie Wijlhuizen, Pippa Reijmer, Fay Sieljes, Sophie Kamermans, Vajèn Goossen,Lola Vink, Leah Römer, Indy Kremeer, Faye Nijland, Ilse Linnenbank, Floor Baakman, Noortje Rosendaal, Julie Boers, Maud Loskamp, Lennon Vink, Lucas Hoppenbrouwers, Ravi Wissing, Ashlyn Puijman, Kaat Peters, Sem Jansen, Lenthe Mennings, Liza de Vries, Robine Hueskes, Xavy Vossenberg, Fedde van Dulmen, Lise Schadron, Jesse Engelen, Merel Uiterwaal, Veerle Teerlink, Esmee Linnenbank, Ize Merx, Lieke van Hal, Jill Leub, Tessa van den Bosch, Do Douwerse, Liv Schuurman, Femm Ellmann, Isa Douwerse, Lóis Lieven en Lola Vink.