Volop fees in Waskuupstad waor zondag 11 fibrewari 'n kleurrieke bonte stoet deur 't centrum van de stad trok. 
De duizende toeschouwers wiere getrakteerd op prachtige groepe en wages die flink uutpakte met schitterende creaties, kleding en opzweipende muziek. Ook de dweilorkeste en fanfares zörgde met hun muziek veur vol sfeer en ‘gesjunkel’ en zo trok de optoch als 'n kleurig lint deur Waskuupstad. 

De juryprijs ging dit jaor naor de jeurige cv Fiësta met 'Wi-j bouwe al 22 jaor 'n feesje'.
De eerste prijs bi-j de wages ging naor Tröske & Co met ‘Carnavaliste danse bi-j kaarslich'. Bi-j de wages met groepe van meer as 20 persone ging de hoogste eer naor cv Hatss-jhie met ‘Wi-j zun Hen’. TisMis 2.0 wiste met ‘Carnaval hölt ons zuut’ de eerste prijs in de categorie wages tot 20 persone te bemachtige. Bi-j de grote groepen zonder wage was 't ‘cv Niks besunders’ met ‘Wi-j staon stil bi-j carnaval’ die de hoogste prijs wis te pakke. Bi-j de kleine groepe van 4 tot 10 persone ging de de eerste prijs naor de No Future Boys met 'Team Verzoepen'.  En in de categorie kleine groepen 1 tot 3 personen wonne de 'Umbeschreiblich weiblich' met '3 dage toeter(s) zat'.
Dit jaor introduceerde de Optochcommissie ook 'n ni-je categorie genaamp 'Buuteland' veur carnavalsgroepe van elders uut de regio. De eerste prijs wier in deze categorie gepak deur cv de Veurzitters uut Zeddam met 'Wi-j pakke (t)uut'.

De hele uutslag van de grote optoch lèès gi-j hier. De prijze wodde uutgereik met 't evenement 'FF uutblaoze' in Kultuurhuus Heitkamp op zondagmiddag 10 maart.