Op zaoterdag 11 fibrewari um 19.49 uur steet bi-j carnavalsvereniging d’Olde Waskupen de jaarlijkse pronkzitting XL op 't programma. Artieste uut de hele regio zun weer van de patti-j um in 'n bomvolle Waskupentempel in 't Laco sportcentrum te ‘s-Heerenbarg opni-j de aftrap te gève van 't regionale carnaval in de Achterhoek en Liemers.
De ni-je prins carnaval van d’Olde Waskupen is Eckhard Gramentz. Hij geet 't carnavalsjaor in onder de naam Prins Eckhard I. Same met zien adjudante Stefan Tersteeg en Geraldo Brugman wier hij vri-jdagaovond nao 'n hele apate mis in "de Pancratiuskerk" geprisenteerd. De res van zien hofholding besteet uut de dansmarietjes Femke Diekman, Lin Gerritse, Romy van Rooije en Laura van den Barg.
De narre zun Kees Mijne en Rick Pennards. Onder 't motto "Zo heurt ‘t" het Prins Eckhard I dit jaor met de carnaval de tu-jkes in hande. De ni-je hoogheid wier getrakteerd op 'n gevarieerd programma in 'n ni-j jäske met 'n record aantal buuts, dansacts en muzikale hoogtepunte begeleid deur de Blaoskapel.
De seniore dansgarde van carnavalsvereniging d’Olde Waskupen steet aan de aftrap van 2 grandioze pronkzittinge. Ook dit jaor hebbe de dames hard geoefend um weer twee fantastische danse op de bühne te brenge. Um 't aantal leje op peil te holde zun de leidsters van de dansgarde op zuuk naor meide en/of jonges vanaf 16 jaor die ook graag veur hun hobby wille dansen op de bühne van d'Olde Waskupen.
Op 1 november bereikte d’Olde Waskupen ‘t trieste berich dat op de respectabele lèèftied van 94 jaor pastoor Nollen is eûverleje. Pastoor Nollen is in 1999 benuump tot Ridder in de orde van de Berghse Kei vanwège zien jaorelange inzet veur de zielezörg maor toch veural veur zien tomeloze inzet veur de bejaarde in met name Stökkum en ’s-Heerenbarg.
De Coop-supermark in ’s-Heerenbarg geet same met carnavalsvereniging d’Olde Waskupen ‘n plaatjesboek uutbrenge eûver ‘t ’s-Heerenbargse carnaval. SuperCoop wil daormet ’n vervolg gève op de succesvolle reeks van voetbalplaatjesbuuk, maor geet dit now doen met carnavalsplaatjes.
‘t Idee um ‘n ‘plekplaatjes-album’ eûver ‘t Waskupencarnaval te make is afkomstig van Jeroen Bruil, de kanselier van d’Olde Waskupen. Hij sprak hiereûver met José Looman, bedrijfsleidster van de Super-Coop vestiging in ’s-Heerenbarg, die ’t veur lei-j aan eur organisatie, waor ‘t idee goed wier ontvange.
Op 4 en 5 november staon de pronkzittinge van carnavalsvereniging d’Olde Waskupen weer veur de deur. Alle carnavaliste kriege dan antwoord op de vraog wie de ni-je prins is van Waskuupstad. Veur bei-je aovonde is d'r op woensdag 2 november weer 't plaatsbesprèke.