Wat is 't toch weer fijn dat 't weer haos carnaval is. Op zaoterdagmiddag 15 fibrewari kwame alle blage weer in grote getale met familie en vriende naor de sporthal in 's-Heerenbarg. Verkleed as prinses, bouwvakker of superheld(in) zag iedereen d'r weer geweldig uut en was 't tot de Pronkzitting XS weer van start ging.

't Hauszorkest spölde 't publiek vas warm met 'n aantal carnavalistische klanke, zoas: Cordola Grün en Humpa Humpa.
Onze Jeugpresident Laut hiete iedereen welkom en hiel Jeugprinses Rosalie I en Prinses Dewy I naor binne en toen kon Pronkzitting XS ech beginne.
Zoas gewoonlijk statte wi-j met 't Funkenmariechen Lynn Engelen, die de dans afgelope november aan eur veurbi-j moes laote gaon in verband met 'n blessure. Gelukkig is ze d'r dit keer wel bi-j en zette ze 'n prachtige traditionele solodans neer.
Fien & Zara hebbe 'n eige teks geschreve en wette wel hoe ze moete feeste.
De Bengels zun hiernao aan de beurt um de bühne te betrede. Ze danse op Dabedie dabeda en make gebruik van 'special effects'. Wat 'n gave act. De Besties staon met z'n zesse op de bühne, carnaval 2025 is waor ze zich op verheuge.
De bühne wödt vri-jgemaak deur de toneelknechte, zodat jeugpresident Laut de Jeugdansgarde naor veure kan laote komme. Ze liete 'n strakke gardedans zien.
't OBS 't Montferland het twee enthousiaste carnavaliste gestuurd um op te trèje. Ze zonge en danste in de spotlights.
Tigewoordig is 't helemaol in um weer as cowboy verkleed te gaon. En de as cowboy verkleedde Pöpkes ri-je op allerlei diere die niet op de prairie veurkomme, maor dat mik met carnaval natuurlijk helemaol niks uut. Ashlyn stond alleen op de bühne maor leverde 'n totaalpakket aan entertainment. Dan was 't al weer tied veur iets wat wi-j niet vaak zien bi-j 'n Pronkzitting XS namelijk 'n buut. Mikayla en Pieter staon in de buutton op de bühne en vertelle geweldige moppe veur zowel jong as old. De Mini-dansgarde kump hiernao um hun versie van de gardedans uut te voere, vol blage kieke met de grootste aandach en dat is meer dan terech.
Onze Jeugprinses Rosalie kwam met eur adjudante en jeugpresident naor veure um 't liedje te zinge waor ze al vanaf november veur hebbe geoefend. D'r wier deur iedereen metgezonge.

Jeugcarnavalis van 't jaor

Aansluutend was 't tied veur de Carnavalis van 't jaor. Dit is 'n speciale onderscheiding den gi-j niet zomaor krieg. Dit jaor is de Carnavalis van 't jaar: Tessa van den Bosch. Tessa het eur debuut gemaak in 2016 met de Spetters. Zi-j hebbe same tot en met 2020 op de bühne gestaon. Later in 2020 en 2021 stond zi-j op de bühne met de BFF’s. In 2021 en 2022 was ze ook nog onderdeel van de Mini Dansgarde. In november 2022 was ze één van de Bad Girls en vanaf de XS-pronkzitting 2023 tot op de dag van vandaag steet ze te schittere met de Troela’s. Daornaos hilp ze ook nog 's met, met 't jurere van onze kinderoptoch. Tessa gi-j heb de titel jeugcarnavalis van d’Olde Waskupen dan ook meer dan verdiend.

Springe nondeju, dat is iets wat iedereen wel kan. De opa's en oma's doen iets röstiger aan, maor dat gif veur de Galamaschool niks. Van al dat gespring krie-j nog wel 's 'n Mengelmoes en löt dat now de volgende groep zun. Ze hebbe 'n eige teks geschreve en zonge dit uut volle bors. Roze, meide en heel vol power zörgde d'r veur dat de Pink Power Girls vol d’r op gaon.
Heel vol minse gaon op vakantie naor Spanje, maor wis gi-j dat ze daor ook carnaval viere? In Spanje daor schijnt meestal de zon, maar now scheen de zon veur de Mariabasisschool met deze heerlijke metzinger. Nao dit optreje zun de Music Girls aan de beurt, Stay Tuned zinge ze geweldig.

Niet alleen de Jeugprinses löt 'n nummer heure, ook eur gevolg duut dit ook veur eur. 't Is weer carnaval wödt d'r gezonge en dat is maor goed ook. De Slopers ginge de hut effe verbouwe. 't Dak geet d'r af! De Zuute Zönnekes zonge één van de bekende nummers van Marco Schuitmaker, hier mag alles. Ze staon met z'n twee-je op de bühne en laote iedereen metzinge.
Metdoen met de optrejes mot soms 'n bietje aangemoedig wodde. De Superstars zinge daorum: “Jao, doe maor met ons met, en zwaai – zwaai – zwaai.” Dit de-j iedereen ook en 't zag d'r geweldig uut vanuut de zaal.
De Cupido's schiete hun pijle op 't publiek. Iedereen is verlief gewodde op deze geweldige performers. Van dit liefdesverhaal gaon wi-j now naor iets wat soms nog wel 's groter is dan verlief zun, namelijk vriendschap. De Matties zun vriende veur 't lève en brenge dit nummer prachtig. De vri-je dans van de Jeugdansgarde is iets waor vol bezuukers op zatte te wachte. 't Blif geweldig um deze dans nog 'n keer te zien, waorbi-j gebruuk wödt gemaak van lampe en steigers. De Troela's zun deze keer The last, but not the least. Ze laote de hele zaal nog 'n keer losgaon wat 't 'n geslaagde middag het gemaak. Alle jonge artieste kwame nog één keer op de bühne terwijl Jeugpresident Laut iedereen bedankte veur hun koms.

MET DANK AAN:
Fien Mennings en Zara Bogaard, Noor Freriks en Sferre ter Horst. Mila Steinvoort, Liv Steinvoort, Lizzy Krijgsman en Chris Lueb. Talisha Seegers, Puk van Gessel, Merel Notten, Julia Warbroek, Samira te Winkel, Made Krauts, Amanda Hellwich, Sofia Nijland en Josephine Vink. Niene Bijenhof en Robine Heuskes. Veerle Teerlink en Esmee Linnenbank. Noalie Karremans, Saar Veereschild, Philomene Schenning, Mijs ten Broek en Ewa Vink, Ashlyn Puijman. Pieter Löwental en Mikayla Eijt. Ruby Reijmer, Floor Baakman, Suze Aaldering, Fleur van den Bosch, Fleur Bijsterbos, Sara Mijnen, Maud Loskamp, Saar Visser en Nora Jansen. Prinses Rosalie 1 en haar gevolg. Lexie Kijk in de Vegte, Fayen Peters, Lenthe Mennings, Nina Dziegielewska en Danae Arts. Julie Boers en Noortje Rosendaal. Robine Hueskes, Shirley Smit, Mikki Hendrixen, Sophie van Niel en Mies Nijhof. Roosje Bodde, Bente en Fleur Lieven. Kaat Peters, Liz Tomberg en Lot Rutgers. Lynn Frerix en Senna Ficke. Ashley Eijt, Lynne ter Horst, Elvira Shahidi, Bente Hubers van Londen, Lise Loskamp, Noor van den Bosch, Elise van den Bosch. Fien van Dulmen, Meis Visser, Mackenzie Young, Amber Linzen, Rhea van den Bosch, Jolie van Uum, Elise van Uum en Maud Miedema. Tijn van den Bosch en Duncan Koning. Lieke van Hal, Jill Leub, Tessa van den Bosch, Lóis Lieven, Lola Vink, Liv Schuurman, Femm Ellmann, Isa Douwerse en Lena Romer. Alle medewarkers, 't Hauszorkès en iedereen den bi-jgedrage het aan Pronkzitting XS.