Van 9 tot en met 13 fibrewari wödt ’s-Heerenbarg weer umgedeup tot Waskuupstad. Carnavaliste vanuut heel 't land viere onder leiding van prins Thiemo I en jeugprins Jeb I 't carnavalsfees. Ook dit jaor staon d'r völ verschillende dinge in de planning en zun d'r weer 3 optochte te zien.

't Fees begint op vri-jdag 9 fibrewari met 'n rondgang langs alle schole deur jeugprins Jeb I en zien gevolg same met Prins Thiemo I en zien hofholding. Um 19.11 uur stat 't echte carnaval met de onthulling van 't monument op 't Stadsplein. Daornao benuump Thiemo I de commandeurs in de Orde van d’Olde Waskupen. Dit is 'n onderscheiding veur minse die zich op 'n buutegwone manier hebbe ingezet veur 't carnaval in Waskuupstad. Ook ontvink de bedenker van 't carnavalsmotto van 2018, ‘Daor geet ’t um’, 'n oorkonde en onderscheiding. Dit jaor geet den eer uut naor Pieter Hendrikse, den net as old-prins Jan Meuleman 't motto ingezonde het.

Berghse Kei:
Nao de offisjeele oapening vertrek de carnavalsvereniging onder begeleiding van Harmonie Crescendo richting 't Hof van Hedel (Gertrudis) um de Berghse Kei uut te rijke. Dit is de hoogste onderscheiding binne de carnavalsvereniging den jaorlijks geet naor 'n persoon, groep of instelling uut de regio den zich verdienstelijk het gemaak op sociaal-cultureel of maatschappelijk gebied. In 't verleje ging deze hoge onderscheiding onder andere naor Okidoki Radio, Stichting Kunst en Kunstig Zeddam en Stichting Sinterklaas in Bergh.

Nao 't eerste succesvolle jaor organiseert de carnavalsvereniging in samenwarking met De Gracht weer de carnavals jeugparty veur jongere tusse de 12 en 15 jaor. Jongere in deze lèèftied valle vaak in 't niet tusse de oldere en kindere van de basisschool. Zo probeert de carnavalsvereniging alle carnavaliste van elke lèèftied 'n mooi fees te bezörge. Kaarte zun veur € 3,- te koop bi-j De Gracht, Resto de Bongerd en Kachelhöltjes Party Pret. De jeugparty is op vri-jdag in de Gracht en begint um 19.49 uur.

Carnavalszaoterdag begint met de heilige mis in de Pancratiuskerk. Deze traditionele kerkdiens begint um 9.30 uur en de muziek wödt verzörg deur The Eternal Singers en Awesome. Nao afloop van de mis trekke de carnavaliste naor 't Stadsplein, waor jeugprins Jeb I 't jeugmonument geet onthulle waormet 't jeugcarnaval offisjeel geoapend is. Aansluutend is d'r 'n jeugbal bi-j De Gracht.

’s Middags make de prinse, 't gevolg en 't bestuur 'n rondgang deur buurte en straote van Waskuupstad.

Grote optoch:
Zondag um 14.11 uur volg 't hoogtepunt van 't carnaval in Waskuupstad. De grote optoch geet onder begeleiding van de kerkklokke van de Pancatiuskerk van stat. D'r is dit jaor 'n aangepaste route. De optoch begint nog steeds op de Slotlaan, maor eindig weer as vanolds veur 't olde stadhuus. Kiek veur de exacte routes van alle optochte op deze website.

Carnavalsmaondag is de dag van de jeug. Ook dit jaar mag de kinderoptoch zich weer op grootse belangstelling heuge. Vol wages gaon op maondag um 14.11 uur van stat en trekke deur de straote van Waskuupstad onder leiding van Jeugprins Jeb I.

Prestatietoch en rommeloptoch:
Dinsdagochtend brenge de prinse en gevolg 'n bezuuk aan 't bejaardehuus Gertrudis. Aansluutend geet um 11 eûver 11 de prestatietoch van stat bij ’t Olde Veld waorbi-j alle carnavaliste zich aan könne sluute en 'n stempelkaart op könne hale. De echte deurzetters gaon alle kroege en restaurants af um de kaart vol te kriege.

Om 12.41 uur is d'r 'n jeugbal bi-j de Gracht, waornao umstreeks 14.30 uur de rommeloptoch van stat geet vanaf 't Stadsplein. De optoch eindig ook weer op dat eigeste plein waornao met 't popverbrande 'n end kump aan 't jeugcarnaval van 2018. De volwassene könne dan nog de hele aovond deurfeeste, maor motte um middernach ook afscheid nemme van waarschijnlijk weer 'n grandioos carnavalsjaor.

Kiek veur 't hele programma onder 't köpke service of in De Waskuup.